Puntland Oo Soo Saartay Tallaabooyin Cusub Oo Amniga La Xiriira

Garoowe – Dowladda Puntland ayaa ku dhawaaqday tallaabooyin cusub oo amniga la xiriira, iyadoo sheegtay in aan gudaha Puntland laga oggolaan doonin dhaqdhaqaaqyo ay sameeyaan saraakiil ama ciidamo aan hoos iman maamulka Puntland.

Mas’uuliyiinta Puntland ayaa sheegay in maamulka iyo amniga deegaannada Puntland ay si buuxda ugu xilsaaran yihiin hay’adaha Puntland, isla markaana la adkeyn doono ilaalinta xuduudaha, garoomada diyaaradaha, iyo goobaha muhiimka ah ee dowladda.

Tallaabadan ayaa kusoo beegmaysa xilli ay jiraan khilaafyo siyaasadeed oo u dhexeeya Puntland iyo Dowladda Federaalka Soomaaliya, kuwaas oo la xiriira arrimo dastuuri ah iyo habka maamulka dalka. Puntland ayaa hore u muujisay walaac ku saabsan qaar ka mid ah go’aannada ay gaarto dowladda dhexe.