Dowladda Shiinaha oo Beenisay Eedeymaha Faragelinta Doorashadii Mareykanka ee 2020

Dowladda Shiinaha ayaa mar kale beenisay eedeymaha sheegaya inay faragelin ku samaysay doorashadii madaxtinnimada Mareykanka ee sanadkii 2020.

Afhayeen u hadlay Wasaaradda Arrimaha Dibadda ee Shiinaha ayaa sheegay in dalkoodu uusan marnaba faragelin arrimaha gudaha ee dalalka kale, isla markaana uu si cad u diiday eedeymaha loo jeediyay.

Shiinaha ayaa sidoo kale ku baaqay in xiriirka labada dal lagu saleeyo is-ixtiraam iyo wada-shaqeyn, halkii laga adeegsan lahaa eedeymo aan caddeyn loo hayn.

Dowladda Shiinaha ayaa horey dhowr jeer u beenisay eedeymo la xiriira faragelinta doorashooyinka Mareykanka.