WARARKA MUHIIMKA
Guddoomiyaha Cusub ee Golaha Shacabka oo Ballanqaaday Xoojinta Xiriirka Baarlamaanka Soomaaliya iyo Caalamka ● DEG-DEG: Baarlamaanka Soomaaliya oo Maanta Dooranaya Guddoomiye Cusub ● Guddoomiyihii Hore ee Golaha Shacabka Maxamed Mursal , Xildhibaano iyo Wasiiro ka tirsan Federaalka ah oo Taageero u Muujiyey Abdulqadir Maxamed Nuur (Jaamac) ahna Musharaxa Guddoomiyaha Baarlamaanka Soomaaliya ● 29 Waddan Oo Isku Raacay In La Abuuro Hay’ad Caalami Ah Oo Maamusha Adeegsiga Tiknoloogiga AI( Artifical Intellegeccy ) ● Baarlamaanka Soomaaliya Oo Bilaabay Habraaca Doorashada Guddoomiyaha Golaha Shacabka ● ● Dowladda Soomaaliya oo cambaareysay hanjabaadaha Xuutiyiinta iyo khatarta xannibaadda Badda Cas ●

Guddoomiyaha Cusub ee Golaha Shacabka oo Ballanqaaday Xoojinta Xiriirka Baarlamaanka Soomaaliya iyo Caalamka

Radio Kg
📅 August 13, 2026 at 11:16 AM

Guddoomiyaha cusub ee Golaha Shacabka ee Baarlamaanka Federaalka Soomaaliya, Cabdulqaadir Maxamed Nuur Jaamac, ayaa sheegay inuu xoogga saari doono xoojinta xiriirka Baarlamaanka Soomaaliya iyo baarlamaannada caalamka.

Guddoomiye Cabdulqaadir Maxamed Nuur ayaa hadalkan jeediyay kaddib markii uu si rasmi ah ula wareegay xilka Guddoomiyaha Golaha Shacabka, isagoo ballanqaaday inuu mudnaanta siin doono diblomaasiyadda baarlamaanka iyo iskaashiga caalamiga ah.

Cabdulqaadir Maxamed Nuur Jaamac ayaa 10-kii Agoosto 2026 loo doortay Guddoomiyaha Golaha Shacabka, kaddib markii uu helay 142 cod, halka musharraxii la tartamay, Cabdulqaadir Cumar Macallin, uu helay 30 cod.

Guddoomiyaha cusub ayaa sidoo kale sheegay inuu doonayo in Golaha Shacabka uu yeesho door muuqda oo ku aaddan xiriirka Soomaaliya ay la leedahay baarlamaannada iyo hay’adaha caalamiga ah.

Wararka laga helayo Muqdisho ayaa sheegaya in hoggaamiyeyaasha baarlamaannada gobolka iyo hay’adaha caalamiga ah ay soo dhaweeyeen doorashadiisa, iyadoo la filayo in muddada soo socota la xoojiyo iskaashiga baarlamaan-diblomaasiyadeed ee Soomaaliya.

← Back